بتحبيه تعرفي بيقول من وراكي إيه

بتحبيه تعرفي بيقول من وراكي إيه
سامحوني علي ما سأقول ولكنها الحقيقة
الخادعة أو كما يسمونه اليومين دول بين الشباب في الجامعات وفي الشوارع الحب
لكن الحب اليومين دول بقي حب في نظري نص كم الواد من دول لا يشيل مسئولية ولاهم ويتلون علي أي بنت رومانسية لحد لما تقع في شباك حبه المزعوم وساعتها تصدق كلامه المسموم واللي في قلبه ساعتها مايبقاش علي لسانه ويقول كلام مش كلامه ويدور حوارخارج من ذمته الاستك اقعد واتجسطن واسمع واستلطن
بعض العبارات التي أسمعها في الشارع أما الردود فهي من عندي
1- تصدقي ياروحي أول مره اقول كلمة"بحبك"
الرد:صدقي ودا طبعا لانك هبلة
2- ياريت فيه كلمة تعبرعن اللي أنا حاسس بيه غيركلمة بحبك
الرد:لاني في الحقيقة مبحبكيش
3- مش عارف أقولك ايه دنا لمابشوفك بيروح الكلام مني
الرد:من الصدمة
4-ولما بيجي وقت الجد لازم ترتب للغد وتلاقي صاحبنا اللقيم قاعد حزين وبقول وهوه مضطر المسكين أنا مستهلكيش
الرد: وهتكتشفي بعدين الحقيقة بنفسك
5- بتبقي جميلة وانتي بتبكي
الرد:بس فاهم دموعك ومش هتجوزك
6- ولما يزيد الضغط عليه يكذب ويقول البيه تتجوزيني ياحبيبتي
الرد: يارب تقول لأ
7- ما تقلقيش هنتجوز بس اديني فرصة6شهور
الرد: وبعدها مش هتشوفي وشي
8- وطبعاًالمسكينة تصدق وفي بحرالحب تغرق وبعد ماتفوق من الصدمة تلاقي نفسها في أزمة بعد ما دابت حبال الهوي والقلب بالنار انكوي وتقعد حزينة علي اللي مضي واللي راح وانقضي ولاتاكل ولاتنام من فراق الفارس الهمام اللي هرب بديله أوام